МҮХАҮТ, Увс аймаг дахь салбар танхим, Аймгийн ЗДТГазартай хамтран 2019 оны 6 сарын 24 –ны өдөр “”Европын холбооны зах зээлд чацарганы бүтээгдэхүүнийг экспортлоход газар зүйн заалтын ач холбогдол” сэдэвт уулзалтыг зохион байгууллаа. Уулзалтанд нийт 55 аж ахуйн нэгж тариалагч, үйлдвэрлэгчид болон БОАЯ-ны сайд Н.Цэрэнбат, МҮХАҮТ-ын ерөнхийлөгч О.Амартүвшин, аймгийн Засаг дарга Д.Батсайхан , Увс аймагт хэрэгжиж буй “Трам” төслийн багийн ахлагч Кармен Фратита нарын төлөөллүүд оролцлоо.

Уулзалтын зорилго нь Увсын брэнд чацарганыг экспортод гаргахад зайлшгүй шаардлагатай газар зүйн заалтыг авахаар европын холбоонд бүртгүүлэх, дагаж мөрдөх стандарт болон бүрдүүлэх материал зэрэг мэдээллийг тариалагч үйлдвэрлэгчдэд ойлгуулах кластерийн системээр нэгдэж ажиллахын давуу талаар ярилцлаа. Ингэснээр Чацарганы холбоонд нэгдэж ажиллах гадаад дотоодын төсөл хөтөлбөрт хамрагдах үйлдвэрлэсэн бүтээгдэхүүнд газар зүйн заалтыг ашиглах боломж бүрдэж байгаа юм.